Telefónica e Galgus traballan para ampliar as zonas Wi-Fi de Sanxenxo e Marín
martes, 3 de novembro do 2020
Telefónica
Empresas e Galgus, compañía sevillana especializada en tecnoloxías
de redes sen fíos, chegaron os días pasados a un acordo para
conectar a través de redes Wi-Fi a uns 250.000 residentes de
preto dunha trintena de localidades pertencentes a Andalucía,
Aragón, Asturias, Illas Baleares, Castela e León, Estremadura e
Galicia, onde o despregue da tecnoloxía farase en áreas de Sanxenxo
e Marín.
Esta
iniciativa encádrase na IV edición do programa WiFi4EU da Comisión
Europea, cuxo obxectivo é “reducir a fenda dixital naqueles
municipios que estean máis afastados dos centros urbanos e, polo
tanto, poidan ter unha peor conectividade”. Para levalo a cabo
outorga uns bonos de 15.000 euros a cada Concello para que melloren
as redes que teñan ou despreguen unha nova. Nas catro convocatorias
da iniciativa, que se iniciou no 2018, desembolsáronse até a data
uns 120 millóns de euros.
Telefónica
Empresas e Galgus tamén están a pór a disposición dos concellos
un amplo catálogo de puntos de acceso Wi-Fi nos que corre a
tecnoloxía Cognitive HotspotTM Technology (CHT) capaz de
dotar ás ditas infraestruturas do factor “intelixencia”, o que
permitirá optimizar, xestionar e analizar desde a nube calquera rede
deste tipo. Cognitive HotspotTM Technology é un software
patentado, multiplataforma e independente do hardware que optimiza os
recursos de radio de xeito automático e que permite ao dono da rede
dispor de servizos avanzados como a localización de dispositivos, a
xeración de mapas de calor, a detección de hackers e a
xestión segura na nube. Todo iso, informan Telefónica e Galgus,
“permite mellorar o rendemento das redes nun 400%, á vez que se
reducen os niveis de interferencia e o consumo eléctrico”. Hoxe
máis de 600.000 usuarios usan a diario e en todo o mundo a
tecnoloxía CHT de Galgus en empresas, centros educativos ou recintos
deportivos, hoteis e resorts de luxo e tamén no transporte de
pasaxeiros terrestre, marítimo e aéreo.