Tecnópole recompensará o apadriñamento de empresas no seu seo
martes, 19 de maio do 2015
O
Parque Tecnolóxico de Galicia – Tecnópole informou
esta semana dun
sistema que recompensa aquelas iniciativas con sede no complexo
ourensán que amosen potencial de atracción para outras iniciativas
e que, ademais, sexan quen de poñelo en marcha e aplicalo. Segundo
informan fontes da Tecnópole, aquelas empresas con sede no recinto
que actúen de
introdutoras de novas firmas
obterán un desconto na súas facturas de servizos equivalente á
metade do importe que a nova inquilina desembolse en concepto de
custos fixos (aluguer, internet, telefonía, etc.) durante o seu
primeiro mes de estadía.
A
iniciativa busca dinamizar a instalación en Tecnópole (como
lembraremos no
concello ourensán de San Cibrao das Viñas)
de novas iniciativas de negocio baseadas na innovación e a
tecnoloxía.
A
maiores do devandito, sinalar tamén que a dirección do parque, como
parte
do incentivo deseñado co
devandito obxectivo,
decidiu
que
as novas empresas que entren baixo esta fórmula obterán tamén un
desconto do 50% na súa primeira factura de servizos. Esta
vantaxe, sinala a Tecnópole,
será aplicábel
en calquera das modalidades de acollida que o
Parque Tecnolóxico de Galicia ofrece para empresas, “dende
a incubación de iniciativas emprendedoras até
a ocupación dunha parcela propia, pasando polas oficinas en réxime
de aluguer e a domiciliación virtual”.
Doutra banda, os responsábeis do
complexo tecnolóxico ourensán tamén informaron que dende este mes
as
empresas xa instaladas beneficiaranse de melloras no seu acceso aos
servizos ofrecidos pola entidade e dunha optimización das condicións
para emprendedores, “co obxectivo
de aliviar a carga económica que soportan os negocios novos durante
as súas primeiras etapas”. Así, a tarifa lineal por metro cadrado
que se aplicaba para os niños da incubadora (4,75 €/m2 ao
mes) deixa paso a un custo fixo máximo de 118,75 euros mensuais
para os locais de até
50 metros e descontos importantes para os que superen
esta superficie. Para todas as empresas, increméntase de un a dous
os usos gratuítos das salas de reunións cada mes e ofrécese a
posibilidade de domiciliación virtual doutra empresa asociada por só
47,50 €/mes.