TELGalicia celebra este día 3 a súa xornada sobre recursos docentes abertos
xoves, 2 de xullo do 2015
A
rede de investigación en innovación docente con novas tecnoloxías,
TELGalicia, organiza este 3
de xullo a oitava edición da súa Xornada sobre Recursos Educativos
Abertos (REA). O encontro, que comezará arredor das 10.00 horas no
salón de graos da EE de Telecomunicación da Universidade de Vigo,
arrancará cun relatorio da especialista Virginia Rodés, da
Universidade da República, Uruguai, titulado Uso
docente de repositorios de recursos educativos abertos,
a que seguirán outros especialistas de Chile, Reino Unido, Ecuador e
España.
Lembrar
que a Rede TELGalicia é un tecido galego-europeo de grupos de
investigación xurdido en 2012 co interese común na aplicación de
TIC en novas propostas pedagóxicas de Primaria e Secundaria.
Trátase
por unha banda de promover un emprego máis axeitado dos novos
recursos tecnolóxicos dispoñíbeis (encerados dixitais, tabletas,
etc.) de xeito que se faga un mellor aproveitamento de tódalas súas
potencialidades. Por outra banda tamén se pretende ofrecer prácticas
educativas innovadoras que involucren estes recursos tecnolóxicos e
os cambios nas pedagoxías mesmas, “de xeito que se consiga unha
participación máis activa e implicada dos alumnos”.
Como dixemos, a xornada contará coa presenza de
Virginia Rodés, pero tamén de Javiera Atenas (University College
London) e Ignasi Labastida (Universitat de Barcelona).
