Spotify di ola ao iPod
mércores, 4 de maio do 2011
Os usuarios de
móbiles avanzados tiñan a posibilidade de subscribirse a Spotify Premium e asÃ
poder levar a súa música favorita no peto para reproducila cando gustasen, pero
tal prestación non estaba dispoñible para o resto de usuarios, que non tiñan
xeito de escoitar as súas listaxes de reprodución favoritas en mobilidade, e
para superar tal atranco veñen
de anunciar novas funcións de Spotify:
Xestionar o iPod dende Spotify: agora será posible xestionar un iPod classic,
nano ou shuffle en Spotify (para transferir ao reprodutor multimedia os temas
en MP3 que mercásemos a través deste servizo musical ou que teñamos almacenados
no noso equipo informático, permitindo dicir adeus a iTunes).
Servizo de descargas de Spotify: este novo servizo permite ao usuario dunha
listaxe de reprodución a compra dos temas en MP3 en conxunto (con prezos de
entre 0,60 e 1 euro por canción segundo o volume de temas adquiridos).
Aplicación Spotify móbil para todos: Os usuarios de Spotify Free que teñan
iPhone ou móbil con Android tamén poderán gozar da aplicación nativa para o seu
terminal, o que facilita a compra en e sincronización no móbil dos temas
favoritos.
Anuncio das novidades en Spotify