Spotify chega a un acordo extraxudicial con Wixen Music
luns, 24 de decembro do 2018
A xestión de dereitos de autor é unha tarefa
complicada, e non sempre está claro quen é o propietario dos contidos, o que
dificulta moito o traballo de certas plataformas en liña como Spotify, que
segundo Wixen Music Publishing terÃa vulnerado os dereitos dos seus
representados ao ofrecer uns dez milleiros de cancións sen contar coa
respectiva licenza nin compensar economicamente por tal explotación comercial.
Na demanda
presentada ante un tribunal federal de California, Wixen esixÃa a Spotify
1.600 millóns de dólares en concepto de danos por ofrecer temas como Free Fallin’ de Tom Petty ou Light My Fire de The Doors, pero
finalmente a pugna
xudicial rematou cun acordo do que non se desvelou a cantidade económica acordada
entre as partes.
Deste xeito Wixen Music Publishing inicia un acordo de colaboración con Spotify
que inclúe a compensación por dereitos de autor pasados.
Lembremos que Wixen representa a artistas como Tom Petty, Zach de la Rocha e
Tom Morello (Rage Against The Machine), Dan Auerbach (The Black Keys), Donald
Fagen (Steely Dan), Rivers Cuomo (Weezer), David Cassidy, Kim Gordon (Sonic
Youth), Stevie Nicks e Neil Young, que son o suficientemente coñecidos como
para que a súa reclamación puxese o foco sobre un problema de Spotify, que
segundo a demanda, estarÃa a explotar sen a licenza necesaria o 21% do seu
catálogo de máis de 30 millóns de cancións.