Só quedan preto dun millón de liñas ADSL en España

O crecemento das redes de fibra óptica en España é imparable, e como mostra diso temos datos sobre o desmantelamento das centrais de cobre na rede de Telefónica: no último ano pasouse de 1,498 millóns de liñas ADSL a 1,040 millóns de liñas.
O peche de centrais de cobre en España comezou en 2015 e até finais do ano pasado teríanse pechado preto de 1.500 centrais no Estado (das que 684 teríanse pechado en 2021), prevéndose que ao remate de 2025 sexan 8.500 as centrais de cobre que deixen de operar para dar paso á fibra óptica, tecnoloxía que ofrece mellores servizos e ten menos custos de mantemento (só en consumo enerxético a fibra óptica pode supor un aforro de até o 85%), polo que é unha evolución que beneficia tanto aos operadores de telecomunicacións como aos consumidores.