SmartPEME pecha setembro con catro novas formacións online
luns, 26 de setembro do 2022
A
Deputación
de Pontevedra, a través do seu programa de capacitación tecnolóxica
SmartPEME, achega esta semana catro novas accións formativas online
enmarcadas na súa carteira de obradoiros. Nestes talleres
continuarase cos ciclos de ciberseguridade e cadea de bloques
(blockchain), e
explicaranse as ferramentas que serven para manter e gañar clientes
de aloxamentos turÃsticos ou o aproveitamento de LÃnkedin para
empresas.
Este
luns 26 de setembro, Manuel Freire, experto universitario en
robótica, programación e impresión 3D, impartirá o taller
Ciberseguridade – O Phising co que se continúa unha serie
de accións formativas dirixidas a mostrar aspectos básicos da
ciberseguridade. Neste caso, ensinarase a detectar tentativas
fraudulentas de suplantación online, que é a forma máis
sinxela de ciberataque.
O
mércores 28 na quenda da mañá, Patricia Cabaleiro, postgraduada en
Turismo, impartirá o taller Ferramentas para fidelizar aos
clientes do meu aloxamento. Neste obradoiro aprenderanse
estratexias para que pequenos negocios turÃsticos capten e manteñan
clientes e amosaranse outros consellos para acadar reservas directas
sen pagar comisións. Na quenda de tarde, a licenciada en Publicidade
e Relacións Públicas, MarÃa Aller, versará sobre Como usar
Linkedin para empresas e profesionais. Esta formación ten como
obxectivo aprender a crear un perfil profesional, unha páxina de
empresa optimizada e como potenciar unha marca propia.
A
semana lectiva finaliza o xoves 29 co obradoiro Blockchain,
identidade dixital e NFT que continúa unha serie de obradoiros
informativos sobre a tecnoloxÃa de cadea de bloques (blockchain).
Nesta formación falarase do proxecto de identidade dixital da Unión
Europea e como afecta isto directamente á xestión de datos. Tamén
se explicarán que son e para que serven os NFT. O obradoiro será
impartido, de novo, polo experto Manuel Freire.