Seleccionan ás 10 aulas que participan na 3ª edición do programa de innovación social dixital CeMIT-Innova
luns, 10 de abril do 2017
A AMTEGA vén de seleccionar os
10 proxectos que participarán na terceira edición do Programa CeMIT-Innova
e que se suman aos 18 xa desenvolvidos en anos anteriores. As iniciativas
seleccionadas foron presentadas polas aulas CeMIT dos concellos de Bande,
Boborás, Brión, Catoira, Carballedo, Cuntis, Oroso, Ourense, Narón e Santa
Comba, co que hai representación das catro provincias.
As temáticas dos proxectos seleccionados abarcan diferentes
ámbitos como a promoción económica e turÃstica, o desenvolvemento empresarial
da zona, a formación especializada, a inclusión, a igualdade de xénero no campo
dixital, o ciberacoso, o envellecemento activo e alfabetización dixital de
diferentes colectivos
A partir de agora o Programa CeMIT-Innova entra na fase de
desenvolvemento destas 10 iniciativas, que serán apoiadas e coordinadas desde AMTEGA
e que poderán optar ao Premio Son Dixital no primeiro concurso de Innovación
Social Dixital. Este concurso, que se fallará no último trimestre do ano,
valorará a mellor iniciativa dixital, con especial recoñecemento ao labor do
voluntariado que participa nestes proxectos innovadores.