Santiago fai un chamamento á cidadanía para encher as redes de vídeos en apoio do comercio local
luns, 8 de xuño do 2020
O
Concello
de Santiago, a través da campaña #EuMercoAquí, vén de facer un
chamamento a toda a cidadanía para enviar vídeos de apoio ao
comercio local para seren publicados nas redes e fortalecer a
fronte común arredor do comercio dos establecementos de proximidade.
O obxectivo do Concello é seguir ampliando a rede de promoción e
colaboradores. “Nunha campaña na que os verdadeiros protagonistas
son os comerciantes, #EuMercoAquí convida a sumarse a comercios e
clientes que envíen os seus vídeos e fotos”, explica o Goberno
local.
Para
participar, o Departamento de Comercio ademais das súas contas
activas en Facebook, Twitter e Instagram e o cancelo #EuMercoAquí,
pon a disposición de quen queira compartir os seus vídeos e fotos
potenciando o comercio local, o número de whatsapp 686 082 995. Todo
o material achegado será compartido nos perfís e páxinas oficiais
do Departamento de Comercio do Concello de Santiago de Compostela.
Coa
mensaxe Shopping in Santiago, a campaña de #EuMercoAquí,
encadrada no Plan Marco de Reactivación Económica Compostela 2020
do Concello de Santiago, para paliar os efectos da crise sanitaria
global provocada pola COVID-19, busca involucrar á cidadanía no
fomento e participación activa para ofrecer un retorno á actividade
e á vida da cidade, potenciando o comercio local.