Santiago, A Coruña e Vigo acollerán en setembro sesións formativas do programa Xeración Dixital Pemes
venres, 4 de agosto do 2023
O
Colexio Profesional de Enxeñaría en Informática de Galicia
(CPEIG), ao abeiro do seu
convenio de colaboración con Galicia Business School, puxo a
disposición das colexiadas e colexiados o Programa Xeración Dixital
Pemes (Generación Digital Pymes), unha iniciativa
de formación avanzada liderada polo Ministerio de Asuntos Económicos
y Transformación Digital, que ten como obxecto principal impulsar a
transformación dixital das pequenas e medianas empresas para “que
consigan internacionalizar o seu negocio e aumentar a súa
produtividade”. O programa está valorado en 6.000€ e é
completamente gratuíto grazas ao financiamento do fondo Next
Generation EU.
O
programa está deseñado para empresarios, directivos e profesionais
con funcións directivas pertencentes a pemes galegas, cun cadro de
persoal que oscila entre os 10 e os 249 traballadores.
Só
poderán participar dúas persoas por peme adherida. O programa
combina cinco xornadas de formación presencial coa formación
dixital a través da plataforma. De este modo búscase asegurar a
xeración do networking necesario dun programa directivo coa
adaptabilidade e flexibilidade da formación online, que “é
esencial para a axenda dos profesioais”, sinalan dende o CPEIG e
Galicia Business School.
O
programa consta dun total de 146 horas repartidas entre os meses de
setembro e decembro. Da totalidade de horas, 40 celebraranse de forma
presencial e terán lugar en:
• Santiago de
Compostela: inicio martes 12 de setembro
• A Coruña:
inicio mércores 13 de setembro
• Vigo: inicio
xoves 14 de setembro