Sae a primeira beta pública do Firefox 3.6

A Fundación Mozilla permite xa a descarga do navegador Firefox 3.6 Beta 1, de xeito que os usuarios interesados poden facer un achegamento ao que permitirá a vindeira versión do Firefox, que incorpora o motor Gecko 1.9.2 e moitas outras novidades coma soporte do formato de fontes WOFF, a posibilidade de ver en pantalla completa vídeo en formato nativo (inserido mediante a etiqueta HTML <video>), soporte integrado de Personas (para cambiar a aparencia do navegador cun só clic), melloras no rendemento de JavaScript, tempo de inicio reducido, maior soporte de tecnoloxías HTML5, DOM e CSS, avisos de plugins externos desactualizados, e moitas outras actualizacións.
Entre os cambios, tamén hai que criticou que modificasen o comportamento da posición nas novas pestanas (agora xunto á pestana actual, en vez de á dereita de todo), aínda que iso pode solucionarse cambiando a configuración do programa editando o valor browser.tabs.insertRelatedAfterCurrent (poñéndoo coma falso).