Rouban datos persoais de milleiros de usuarios de Ticketmaster
xoves, 28 de xuño do 2018
O
pasado sábado a versión británica de Ticketmaster detectou software
malicioso nun produto de atención ao cliente de Inbenta Technologies que
integran no seu sistema, polo que procederon á súa desactivación. Tras analizar
a situación consideran que poderÃan verse afectados usuarios que mercaran na
páxina web británica entre febreiro e xuño de 2018, asà como usuarios
internacionais entre setembro de 2017 e xuño de 2018. En calquera caso aseguran
que os usuarios afectados recibiron un correo electrónico advertÃndoos da
situación, ou sexa, que quen non recibise notificación algunha poderÃa estar
tranquilo.
Os usuarios afectados precisan mudar o seu contrasinal e, ante a posibilidade
de que se subtraesen os seus datos de pagamento, Ticketmaster ofrécelles de
balde un servizo de monitorización durante 12 meses, á vez que recomendan revisar
as operacións nas súas tarxetas bancarias por se detectan algunha actividade
sospeitosa.
Este incidente está a resultar especialmente alarmante polo feito de que o banco dixital Monzo terÃa
advertido a Ticketmaster do problema de seguridade o pasado 6 de abril, tras
detectar que dos 50 clientes dos que tiveron que mudar as tarxetas bancarias
por transaccións sospeitosas, 35 terÃan realizado operacións en Ticketmaster
nos 5 meses anteriores.
Dende España, FACUA-Consumidores en Acción xa denunciou ante a Axencia Española
de Protección de Datos (AEPD) á filial española de Ticketmaster, reclamando
sancións contundentes por esta subtracción de nomes, correos electrónicos,
números de teléfono e información de tarxetas bancarias de milleiros de
usuarios. FACUA considera inadmisible a falta de dilixencia por parte de
Ticketmaster, e insta aos afectados a denunciar ante a AEPD a Ticketmaster por
vulnerar o tratamento dos seus datos persoais.
