Renóvase o portal das aplicacións da Xunta, que chega xa ás 25
luns, 6 de marzo do 2017
O
Goberno
galego informou esta pasada fin de semana de que xa conta no seu
haber con 25 aplicacións móbiles ao servizo da cidadanía, e
que estas ferramentas, dende a súa posta en marcha, deixan ás súas
costas un ronsel de 483.000 descargas. Ao mesmo tempo, a Xunta
recordou estes días que que as páxinas de acceso aos seus servizos
de mobilidade accesíbel vén de ser renovado, trátase do portal www.xunta.gal/aplicacions-mobiles.
Neste
espazo enliña podemos atopar as apps
artelladas en dez categorías. O portal tamén permite facer procuras
por temas e polos sistemas operativos nos que aquelas estean
habilitadas.
O
catálogo de aplicacións da Xunta abrangue dez categorías:
Administración pública (DOG, Plataforma Contratos, escAPP e
CDTIC): Consumo e comercio (Non piques-non peques, Mercados e
Prazas de Galicia, IGC, Galicia Calidade); Cultura e ocio (Axenda
Cultural, Museo Centro Gaiás); Emprego (Mobem), Ensino e
formación (abalaMobil); Lingua (Tradutor Gaio);
Meteoroloxía (MeteoGalicia, MeteoRoute, MeteoSix); Mocidade
(Carné Xove) Natureza e Turismo (Turismo de Galicia;
Camiño de Santiago; Bono Iacobus, Galicia Birding, Sendegal, Parques
Naturais, Enoturismo, Botafumeiro R.V).
Segundo
informa o Goberno galego, as aplicacións que rexistran un volume
máis elevado de descargas son MeteoGalicia, para a predición
meteorolóxica; abalarMobil, para o seguimento de pais e nais da
actividade educativa dos seus fillos; Mobem para demandantes de
emprego; MeteoSIX, que ofrece a predición meteorolóxica
xeorreferenciada; e Sendegal, que permite coñecer rutas homologadas
de sendeirismo en Galicia.
A
medida de xuntalas nun único portal co fin de facilitar o seu
achegamento á cidadanía remóntase a 2013, cando o Consello da
Xunta acordou que a publicación das súas ferramentas móbiles para
Android e iOS se levase a cabo baixo epígrafe único de “Xunta de
Galicia”. Logo disto, creouse
o devandito espazo web específico. Este portal vén de ser
actualizado esta mesma semana.