Red.es elabora propostas para usar o móbil de xeito útil e responsable

Co gallo do Día Europeo por unha Internet máis Segura, que terá lugar o vindeiro día 12 de febreiro, a entidade do Ministerio de Industria, Red.es, vén de anunciar o lanzamento dunha serie de recomendacións para facer uso do teléfono móbil de xeito útil e responsable por parte dos máis cativos da casa.
Nesta edición de 2008 a temática da devandita celebración versa sobre o correcto emprego da telefonía móbil polo que Red.es, a través do seu programa para a infancia e as TIC www.chaval.es, vén de desenvolver un xogo para que os menores asimilen de xeito divertido unha serie de consellos sobre o uso responsable do móbil.
Esta aplicación, que se basea no Arcade Invaders dos anos 80, está dispoñible dende hoxe (7 de febreiro) na web www.internetseguraenred.es e pódese acceder a ela a través de dúas ligazóns: “para peques e para maiores”.