ReDe levou a bo fin o 90% das solicitudes de Internet rexistradas
luns, 17 de febreiro do 2014
En
xaneiro de 2011 botaba a andar o rexistro de demandantes ReDe, unha
aplicación informática consecuencia da Axencia para a Modernización
Tecnolóxica de Galicia (AMTEGA) coa que os cidadáns poden consultar
a situación do Plan de Banda Larga no seu núcleo de poboación e
rexistrar a súa demanda de servizo en caso de carecer de cobertura.
A xeito de dato, dicir que o dito Rexistro
de Demandantes ReDe atendeu un
total de 819 solicitudes de cobertura de Internet do Plan de Banda
Larga da Xunta, segundo informa a propia axencia.
Asemade, engade, a dÃa de hoxe
lévanse resolto preto do 90% das demandas rexistradas e as restantes
estanse a tramitar. Máis da metade das consultas foron realizadas
por habitantes de núcleos xa cubertos polo Plan e asà se lles
trasladou aos usuarios. Arredor do 30% foron demandas de servizo en
núcleos cubertos nos que os demandantes carecÃan de cobertura. Tras
enviar estas demandas aos operadores están resoltas ou en vÃas de
resolverse. Arestora, ReDe ten pendente de resposta por parte dos
operadores arredor dun 10% de consultas e arredor dun 2% en
seguimento.
Para
os interesados, sinalar que ReDe está dispoñible na páxina da
AMTEGA, e recibiu preto de
13.000 visitas en tres anos.
Que
é ReDe exactamente? Pois estamos perante unha ferramenta de consulta
sinxela e de doado manexo. O usuario interesado en coñecer os
avances do Plan na súa zona a través de ReDe só precisa un
computador con conexión a Internet e un navegador web. No enderezo
habilitado atopa unha ligazón para acceder a Rede e xa na páxina
principal o usuario pode elixir a súa provincia, concello, parroquia
e núcleo. Unha vez seleccionado o núcleo, o usuario visualiza un
mapa no que se indica a situación actual de cobertura na zona que
está a achegar o Plan de Banda Larga e cal dos operadores é o
responsábel do despregamento. No caso de que as actuacións do Plan
(que se prolongarán até finais de 2013) non chegaran á zona,
informarase de cando se porán en marcha. Aquelas persoas sen acceso
á Internet poden cubrir un formulario cos seus datos ficando
rexistrada a súa demanda.