R, recoñecida polo seu compromiso contra o cambio climático
martes, 11 de xaneiro do 2022
A
operadora de ámbito galego R vén de ser recoñecida polo seu
compromiso contra o cambio climático cunha valoración “B” na
enquisa que a organización sen ánimo de lucro Carbon Disclosure
Project (CDP) elabora anualmente nesta materia, e na que participa a
compañía de telecomunicacións xunto co resto de empresas do Grupo
Masmovil.
R,
que está presente na enquisa dende o ano 2016, recibe este
recoñecemento como “mostra do seu posicionamento e transparencia
na xestión do impacto ambiental e o clima”.
A
operadora lembra que a valoración B sitúase nunha escala do A ao F,
o que “nos sitúa como unha das compañías participantes con
mellor consideración a nivel mundial”, engade a empresa,
recordando que “este recoñecemento valida a xestión dos riscos
ambientais asociados á actividade da operadora e reflicte o seu
compromiso coa xestión responsábel en todas as súas operacións”.