R chega aos 5.140 puntos Wi-Fi de balde para os seus clientes
mércores, 12 de xuño do 2013
O
operador galego R fixo estes días reconto da súa oferta sen fíos
para usuarios. Segundo fai saber, estariamos a falar de 5.140 puntos
de acceso a Internet na súa rede Wi-Fi (rede wificlientesR),
ou sexa, localizacións para conectármonos de balde (sempre e cando
teñamos contratados servizos de Rede fixa de R), con tecnoloxía sen
fíos, repartidas ao longo de 88 concellos da nosa xeografía. A
cifra, con todo, está suxeita a procesos de medre constante: a idea
da operadora é que chega a máis concellos e teñan cada vez mellor
cobertura. Por certo que para tirar o máximo partido deste servizo
gratuíto, a compañía creou unha aplicación para Android
e outra para iOS
que localiza onde hai puntos dispoñíbeis.
“Dese
xeito”,
informa
R,
“o
usuario sabe onde ten un punto Wi-Fi
preto para conectarse”.
A
aplicación permite a conexión automática, para que
non teñamos que pór o noso nome de
usuario e contrasinal como clientes
cada vez que nos
queiramos
conectar.
Segundo
engade o operador galego, durante
o mes de abril a
rede wificlientesR tivo
máis de 40.000 conexións. Consumíronse, ademais, uns 680XB
de datos en internet, “o
que supón para
os usuarios un
grande aforro real, en canto que non teñen que gastar da súa tarifa
de datos de móbil”. A
día de hoxe, conectáronse
a esta rede máis de 6.100 usuarios, a través de todo tipo de
dispositivos. “A
idea é que a cifra siga medrando durante este ano e que se poida
artellar unha rede coa maior cobertura posible en toda a comunidade
para que os usuarios poidan conectarse a ela estean onde estean, sen
que o noten os seus petos”,
engade a compañía galega.