R celebra a Cyberweek cunha oferta de 49 euros que inclúe fibra, móbil, TV e fixo
martes, 30 de novembro do 2021
R
segue adiante coa súa chuvia de ofertas e descontos, para novos
clientes aínda que tamén para usuarios experimentados. Logo
da campaña do Black Friday, a operadora recunca cun reclamo para
novos usuarios coa promoción Cyberweek, que se desenvolve entre 1 e
o 8 de decembro. Trátase, en palabras da compañía, “dunha
proposta que inclúe todos os seus servizos de telecomunicacións a
prezo promocionado durante un ano”. Isto tradúcese en ofrecer aos
novos clientes fibra de 300 Mpbs, dúas liñas de móbil con GB
ilimitados e chamadas sen límite, e TV con deco 4K por un prezo
final de 49 euros ao mes. A isto cómpre sumar a posibilidade de
contar con fibra de 1 Gbps polo mesmo prezo que a fibra de 300 Mbps
durante tres meses.
Esta
promoción previa ao Nadal consiste nunha adaptación das propostas
de R ás necesidades específicas dos consumidores nestas datas, que
precisan de meirandes recursos para garantir o máximo lecer nos
fogares e as mellores condicións posíbeis para manter conversas con
amigos e familiares. Neste punto, sinala R, entran en xogo os GB
ilimitados e as dúas liñas móbiles, ao que cómpre engadir a
posibilidade de gozar dunha TV con deco 4k que “ofrece máis de 100
canles temáticas infantís, de cinema, series, documentais,
deportes, etc”, e con funcionalidades e servizos como Ir ao
comezo, co que o usuario pode ver un programa dende o inicio,
aínda que xa empezase; ou Rebobina, con
miles de contidos á carta para toda a familia, que garda os
programas emitidos durante sete días para poder recuperalos e velos.
A isto engádense as opcións de procura e de gravación.