R amplÃa a máis combos o seu servizo de conexión á Rede a través do desco de TV
venres, 25 de maio do 2012
O operador galego R presentou
este venres un novo servizo para permitirnos a conexión a Internet a través
do seu descodificador de televisión. O servizo en cuestión, que non é novo
(posto que xa hai tempo que é posÃbel
levar a cabo este tipo de acceso para os clientes do comboR), esténdese agora a
máis produtos-modalidades da operadora. Ou sexa, a máis combos. Con esta novidade, engade a operadora, a través da páxina web
de clientes, poderemos escoller canta velocidade da que temos contratada se
vai destinar ao descodificador de TV. Temos dúas alternativas, engade a empresa:
1 Mbps/200 Kpbs ou 5 MBps/300 Kpbs.
Co fin de non reducir a calidade da conexión que
teñamos establecida mediante o router, a empresa só forneceu o servizo para
usuarios do comboR. Agora, ao pórse en marcha novos produtos ao abeiro do
descodificador, amais dun xogo máis amplo de velocidades, aplicouse a devandita
vantaxe aos combos 15, 50 e 100. Para
activar esta nova solución, temos que ir á web
de clientes e logo configurar o dispositivo para que posteriormente obteña
un enderezo IP de maneira automática. De seguido, teremos que enchufar o
dispositivo ao descodificador de R no porto Ethernet.