Publicada a primeira convocatoria para acadar a certificación de competencias dixitais en ofimática da Xunta
xoves, 25 de setembro do 2014
O Diario Oficial de Galicia publicou este xoves a
primeira convocatoria para a obtención da certificación galega de
competencias dixitais en ofimática (360 prazas), un
recoñecemento que emite a Axencia para a Modernización Tecnolóxica
de Galicia (AMTEGA) e que se obtén participando nun curso de
preparación na modalidade de teleformación (aulas CeMIT) e
superando as probas pertinentes relativas ao aprendido na dita
actividade. Para acceder a este curso esÃxesenos que sexamos
maiores de 16 anos, estarmos dados de alta como usuarios da
rede CeMIT e abonarmos a taxa correspondente aos dereitos de
exame.
O curso, con 190 horas de formación, habilitará ao
alumnado para a realización da proba de avaliación que será
preciso superar para obter a certificación. Segundo explica AMTEGA,
isto recóllese no Decreto 218/2011 que regula o dito proceso, que
terá carácter presencial para garantir a calidade e transparencia
do proceso de acreditación. Por certo que no transcurso da
actividade formativa, os participantes afondarán nos contidos que
compoñen o Plan Formativo Ofimático de Galicia, integrado arestora
polas cinco unidades nas que se estrutura o módulo formativo
MF0233_2 «Ofimática» (190 horas) do Repertorio Nacional de
certificados de profesionalidade:
• Sistema operativo, busca da
información: internet/intranet e correo electrónico (30 horas)
•
Aplicacións informáticas de bases de datos relacionais. LibreOffice
Base (50 horas)
• Aplicacións informáticas para presentacións:
gráficas de información. LibreOffice Impress (30 horas)
•
Aplicacións informáticas de tratamento de textos. LibreOffice
Writer. (30 horas)
• Aplicacións informáticas de follas de
cálculo. LibreOffice Calc (50 horas)
Os materiais formativos que compoñen estes cursos
foron elaborados seguindo as boas prácticas recollidas na GuÃa de
boas prácticas para a publicación de obras documentais da Xunta de
Galicia recentemente publicada e concretamente na súa modalidade de
Software Libre, é dicir, GNU/Linux e LibreOffice.
No vindeiro mes
de outubro, lembra AMTEGA, publicarase mediante nova resolución no
DOG a convocatoria de exames presenciais en diferentes aulas CeMIT
para avaliar a todas aquelas persoas que xa posúan os coñecementos
necesarios sen necesidade de realizar cursos de formación.
