Proxecta achegará acubillo para as innovacións educativas do noso profesorado
luns, 17 de setembro do 2012
Da man das fundacións
Amancio Ortega e Santiago Rey, chega con este novo curso un novo servizo galego
dirixido a impulsar a innovación educativa e, máis polo miúdo, a formación TIC
dos nosos mestres. Falamos de Proxecta,
agora xa en aberto e logo dun perÃodo de acceso restrinxido. Trátase dunha rede social, un
acubillo 2.0 en galego e castelán, para a nosa comunidade docente onde se pon a
disposición do profesorado recursos innovadores, formación especÃfica e
estratexias de traballo en mancomún para o desenvolvemento de ferramentas novas.
A plataforma
encamÃñase a dar servizo a mestres de educación infantil, primaria, secundaria,
educación especial, bacharelato e formación profesional. Permitiralles
formarse, como dixemos, pero tamén dar forma ás súas propias propostas de
innovación educativa, someténdoas a valoración e posibilitándolles, coma se
dunha rede social de traballo se tratase (porque se trata dunha rede social), a
procura de colaboración. Tamén haberá concursos que recoñecerán o valor das
mellores iniciativas desenvolvidas ao seu abeiro. Detrás deste proxecto,
alimentándoo, atópase un grupo de expertos en educación e TIC, que escolman da
Rede os recursos educativos máis salientábeis e de meirande potencial para a
nosa terra, dan forma aos contidos pedagóxicos e procuran satisfacer do xeito máis
eficaz as demandas dos alumnos e profesores da nosa terra. A
plataforma foi posta en marcha polas fundacións Amancio Ortega e Santiago Rey
Fernández-Latorre co obxectivo de impulsar a innovación educativa e máis a calidade
do ensino.