Profesionais 4.0 abre o prazo para solicitar axudas á contratación de xente nova
martes, 6 de agosto do 2019
Impulsar
o emprego e facelo nun ámbito en crecemento que abre portas, a curto
e medio prazo, a máis crecemento. O ámbito das tecnoloxías
intelixentes aplicadas ás empresas. Este
é un dos grandes obxectivos do programa de impulso á Industria 4.0
que lidera a Consellería de Economía a través do IGAPE. Por
certo que o prazo para solicitar a nosa participación no programa,
que prevé a contratación de 140 mozas e mozos menores de 35 años,
ábrese este mércores 7. A iniciativa está aberta a demandantes con
titulación universitaria ou de técnico superior de Formación
Profesional (FP).
A
través desta liña de axudas, denominada Profesionais 4.0, e dotada
con dous millóns de euros, incentivarase a contratación e a
formación destes profesionais por parte das empresas, autónomos con
dous ou máis empregados e as asociacións, fundacións ou clústeres,
para “a realización de plans que garantan o seu avance competitivo
no eido da Industria 4.0”.
Segundo
informa o IGAPE, as devanditas iniciativas de mellora poderán
levarase en cabo nun amplo abano de contornas: optimización
financeira, profesionalización da produción e da cadea loxística,
desenvolvemento de procesos e sistemas de xestión da calidade,
identificación e posta en marcha de redes de cooperación e socios,
aposta polo capital humano, asesoramento integral ao proceso
emprendedor, dixitalización ou creación de contidos dixitais ou,
tamén, incorporación efectiva de tecnoloxía.
O
prazo de solicitude para optar a estes apoios rematará o próximo 7
de outubro. A porcentaxe da axuda poderá acadar o 75% da retribución
bruta do período a cubrir, cun límite de até 16.000 euros, e cada
entidade poderá optar a un máximo de cinco contratos incentivados,
cunha duración dun ano cada un.