Primux Tech dá a coñecer os seus máis recentes tablets para competir este Nadal cos grandes do sector
mércores, 18 de decembro do 2013
- Daniel Rodríguez e José Morán, de Primux Tech
Finalmente,
tal e como avanzamos os días pasados, a empresa galega Primux Tech
presentou nas sesións
dos Mércores
da Tecnópole os
novos
tablets
que lanzará nesta campaña de Nadal
co obxectivo de competir cos xigantes do desenvolvemento e
fabricación de aparellos en igualdade de condicións e con
tecnoloxía galega. Falamos dos trebellos Logic
L1, Siroco5 e Ciclón2,
dados a coñecer en Ourense, no devandito ciclo de charlas e
presentacións da Tecnópole, da man dos propios fundadores de Primux
Tech.
Lembrar que a
empresa, que
instalou o seu departamento de I+D+i no Parque Tecnolóxico de
Galicia (Tecnópole)
a principios deste ano, puxo no mercado máis de 48.000 terminais ao
longo de 2013 e
prevé incrementar de
xeito significativo
esta cantidade no vindeiro exercicio
“a través da entrada en mercados novos, especialmente o
sudamericano”, fixeron
saber os seus creadores. José
Morán, un dos
socios fundadores,
fixo saber que a
firma segue a
filosofía da
“tecnoloxía lóxica”,
o que se traduce basicamente “nun
produto de última tecnoloxía con prestacións moi elevadas, de
prezo moi competitivo e, sobre todo, un servizo ao cliente o máis
rápido e eficiente posible”.
Tamén fixo saber que Primux Tech
naceu a partir dunha empresa de distribución de material
informático, primeiro como provedor de accesorios e, a partir de
2011 como fabricante de dispositivos propios. “Cando as operadoras
de telefonía anunciaron que deixaban de subvencionar os dispositivos
vimos unha oportunidade para iniciar unha liña de negocio en
smartphones e tablets libres e con tecnoloxía propia”,
sinalou Morán.
Os últimos smartphones de Primux
Tech veñen con dúas baterías por terminal para axudar a compensar
un dos principais problemas que sofren os usuarios de telefonía
móbil: a pouca durabilidade da carga de enerxía. Ademais, todos os
modelos están equipados con dual SIM (para poder introducir dúas
tarxetas, por exemplo unha persoal e outra profesional) e GPS sen
conexión de datos.
Pola súa parte, o director
técnico da empresa, Javier Bordejé, informou que “calquera
cliente pode contactar directamente coa empresa en caso de dúbidas
ou de avaría, primeiro por teléfono ou por correo electrónico e,
se non se atopa unha solución, recólleselle o produto e, nun prazo
de 72 horas, a empresa comprométese a realizar a reparación e
devolverlle o terminal ao cliente, todo de balde”.
Os modelos presentados
O tablet Logic L1 é o máis miúdo dos presentados, con 7,85 polgadas de pantalla. O Siroco5, de 10,1 polgadas, salienta por ser panorámica e ofrecer, deste xeito, un axeitado alicerce para a visualización de vídeos. O Ciclón2, tamén de 10,1 polgadas, é a que ten máis altas prestacións. Todo, segundo explicou Bordejé, contan con porto USB e coa posibilidade de aumentar a memoria.