Preto de 6 millóns de euros en multas aos operadores de telefonÃa por facilitar o SIM swapping
venres, 4 de febreiro do 2022
A Axencia Española de Protección de Datos (AEPD) publicou
esta semana unha serie de resolucións nas que deu conta de sancións aos
principais operadores de telecomunicacións do Estado por facilitar os calotes
mediante a técnica do SIM swapping, ou sexa, por permitir a solicitude
de duplicados de tarxetas SIM para poder recibir mensaxes de texto das liñas
afectadas e asà poder autorizar operacións bancarias e baleirar as contas de
numerosos afectados, indefensos ante este tipo de fraude electrónica.
Nos casos denunciados realizáronse transferencias bancarias por valor de até
30.000 euros, transferencias por Bizum de até 500 euros e incluso a obtención
de préstamos de até 43.000 euros, delitos dos que os prexudicados non son
conscientes até que é tarde, xa que o único indicio que teñen é que o seu móbil
queda sen cobertura (xa que a liña pasa a operar co duplicado da SIM e non coa
SIM orixinal). AÃnda que desta volta a AEPD estea a sancionar aos operadores de
telecomunicacións boa parte da responsabilidade deberÃa recaer nas entidades bancarias,
que están a empregar para verificar as operacións un sistema tan inseguro como
son as mensaxes de texto, algo incomprensible nun momento no que temos
smartphones con aplicacións móbiles que poderÃan facilitar comunicacións de
códigos de xeito seguro.
Entre as sancións publicadas podemos ver como Telefónica terá que
pagar unha sanción de 900.000 euros, Orange unha sanción
de 700.000 euros, Simyo (Orange) unha
sanción de 70.000 euros, Yoigo (MásMóvil) unha
sanción de 200.000 euros e Vodafone unha
impresionante sanción por valor de 3.940.000 euros.