Preséntase en Santiago o Plan Galego de I+D perante o noso empresariado
martes, 29 de marzo do 2011
A ConsellerÃa de EconomÃa presenta este venres
1 de abril o seu Plan Galego de I+D, tamén coñecido como Plan I2=C. O acto non
será unha convocatoria de prensa ao uso. De feito, os principais destinatarios
da presentación serán os integrantes do noso tecido produtivo. A
cita será na sede da Confederación de Empresarios de Galicia en Santiago, a
partir das 11.45 horas. O acto contará coa presenza do conselleiro de EconomÃa,
Javier Guerra, quen afondará nos obxectivos e as liñas de actividade da estratexia
de I+D do Goberno galego, avaliando as oportunidades do dito Plan en materia de
pulo a proxectos empresariais innovadores.
Cómpre sinalar que unha das finalidades básicas
do programa é desenvolver un ecosistema de investigación e modernización que
sexa eficaz dabondo como para emprazar a nosa economÃa en situación de competir
no eido internacional.
A cita contará coa presenza (entre outros
profesionais) de Jorge Cebreiros, presidente da asociación galega Ineo, quen
será o encargado de moderar as intervencións arredor do potencial do Plan en
materia de impulso a iniciativas empresariais.