Presentado un proxecto para impulsar nos centros galegos os nosos soportes de lectura
mércores, 20 de febreiro do 2013
A
Cidade da Cultura acolleu este mércores 20 a presentación do
proxecto piloto E-Lectores
nas bibliotecas escolares
(E-LBE), unha iniciativa da Consellería de Cultura para favorecer
que profesores e alumnos teñan
contacto directo cas novas canles e plataformas tecnolóxicas do
coñecemento, promovendo ao mesmo tempo a aprendizaxe en xeral e máis
o hábito da lectura. No acto participaron o conselleiro Xesús
Vázquez e máis o director xeral de Centros e Recursos Humanos, José
Manuel Pinal, que salientaron, a maiores, as posibilidades de
integración e afianzamento dixital do programa. Ou sexa, o potencial
para loitar contra a fenda que afasta ao eido rural das cidades en
materia de emprego cotián das novas tecnoloxías.
- O conselleiro de Cultura e Educación presenta o proxecto ‘E-Lectores nas Bibliotecas Escolares’ como reforzo do Plan LÍA
A
primeira actuación
deste proxecto piloto tivo
lugar na propia presentación do mesmo, coa entrega de
lectores electrónicos a 25 centros educativos. Estes soportes,
indicouse,
pasarán a formar parte do equipamento da biblioteca escolar e serán
os propios centros os que establezan as normas de uso dos mesmos, así
como a posibilidade de poder realizar os préstamos de libros
dixitais. A Consellería distribuíu
entre os centros seleccionados unha guía con información sobre a
posibilidade de uso destes soportes e máis
ligazóns
web para a descarga legal de libros electrónicos gratuítos. Sobre
as vantaxes destes trebellos, a consellería salientou que
“os
lectores son de tipo tinta electrónica polo que, a diferenza de
outros dispositivos, non emiten luz propia; deste
xeito, a experiencia de lectura é moi semellante
á
do papel e pouco agresiva para a vista”.
Unha
vez analizadas todas as solicitudes, a Consellería seleccionou os
centros de entre os integrados no Plan de Mellora de Bibliotecas
Escolares (PLAMBE), “tendo
en conta o compromiso da comunidade educativa coa biblioteca como
espazo de lectura e de aprendizaxe”.
Ademais, “deuse
prioridade aos centros do rural, procurando unha distribución
axeitada por todo o territorio galego”. Os
colexios e institutos que recibiron e-lectores figuran
detallados na nota de
prensa emitida pola consellería logo da presentación do proxecto.