Practican o primeiro arresto nos EE.UU. por roubar dominios de Internet

Os delitos na Internet poden perseguirse no mundo real, e como exemplo moi ilustrativo temos que o pasado día 30 prenderon en Union (New Jersey, EE.UU.) a Daniel Goncalves no que parece ser o primeiro arresto nos EE.UU. por un caso de roubo de dominio de Internet.
O roubo teríase realizado hai máis de dous de anos, cando Goncalves accedeu ilegalmente á conta de usuario de Marc Ostrofsky no rexistrador de dominios GoDaddy, dende a que transferiu para si o dominio P2P.com para vendelo nunha poxa a través de eBay por 111.000 dólares ao xogador da NBA Mark Madsen (mentres que Madsen, coa colaboración do avogado Albert Angel e a súa dona, pagara inicialmente 160.000 dólares polo mesmo).
Actualmente aínda está a levarse a cabo unha pugna xudicial (contra Goncalves, Madsen e GoDaddy) para resolver o polémico asunto, pero iso non impediu que o acusado fose arrestado, no que é un importante precedente que debería intimidar aos ladróns de nomes de dominio.
O detido tería roubado máis dominios de Internet, e dende Domain Name News advirten que actualmente tiñan unha casa propia, unha piscina nova e conducía un Lotus e un Mercedes, polo que o seu negocio parecía irlle vento en popa. Na actualidade están en liberdade tras depositar unha fianza de 60.000 dólares, e en breve deberá afrontar máis causas xudiciais (incluso pola vía penal) polo que é de agardar que remate na cadea.