Pontevedra activa unha web que aglutina a actividade cultural dos seus recintos e teatros
mércores, 6 de outubro do 2021
O
Concello
de Pontevedra presentou esta semana un novo servizo tecnolóxico para
a acurtar distancias entre a cidadanía e a cultura: o Telescopio
Cultural. Será, sinalou a edil Carme Fouces, “un referente
para estar ao tanto da actividade que teña lugar na cidade”.
Con
formato de páxina web, unifica a información que antes aparecía na
xa extinta páxina do Pazo da Cultura, no apartado de Axenda Cultural
da web do Concello e na páxina principal deste. O Telescopio
cultural, pendente dos “últimos retoques”, está dispoñíbel en
cultura.pontevedra.gal.
Recolle
a actividade do Pazo da Cultura, do Teatro Principal e do Recinto
Feiral.
Conta
tamén cun formato revista semestral, malia que Fouces recoñeceu que
o primeiro número chega “con algo de atraso” por mor dos cambios
permanentes nos aforos e as restricións sanitarias e tamén polas
obras do Teatro Principal, sinalou a concelleira. A revista está
dispoñíbel no Consistorio, na Casa da Luz, no Pazo da Cultura e no
Teatro.