Pont-Up Store 2017 mostrará o mundo o empuxe innovador de 53 novas firmas
mércores, 31 de maio do 2017
Onte
presentouse na cidade do Lérez un nova edición (a cuarta) da
Pont-Up Store, o espazo
pontevedrés por excelencia para amosar músculo innovador e
emprendedor (os dous ingredientes básicos do desenvolvemento
económico, tecnolóxico e social). A cita, segundo se fixo saber,
será os dÃas 22 e 23 de setembro na praza de España. Haberá
recinto especÃfico para dar a coñecer a actividade de 53 novas
empresas e diferentes demostracións de produtos e servizos e
actividades de promoción do espÃrito emprendedor. O prazo para
participar e presentar
solicitudes ficará aberto até o 9 de xullo. A intención é
superar as 139 peticións acadadas o ano pasado.
O
evento vén da man do Campus de Pontevedra (Universidade de Vigo), ao
abeiro do proxecto de especialización CREA S2i, co Concello como
patrocinador principal. Segundo explicaron na rolda de presentación,
Pont-Up Store achegará visibilidade de balde a 53 novas firmas e
fornecerá 33 stands, aos que
se suma a posibilidade de dinamizar dez das actividades que se
levarán a cabo no recinto e outras dez prazas para participar no
Puntazo Exprés, no que os emprendedoros poderán expoñer en
cinco minutos os seus proxectos ante representantes de empresas
relevantes de Galicia.
Na
rolda cos medios participaron o vicerreitor do campus, Juan Manuel
Corbacho, a concelleira de Promoción da Cidade, Anabel GulÃas, e o
deputado provincial Carlos López Font, amais do profesor da
Facultade de CCSS e da Comunicación, Pedro Figueroa. Segundo
informaron, entre as accións previstas figuran (no Campus, a partir
do dÃa 21) unha alborada emprendedora e un FabLab
Laboratorio Creativo (un
obradoiro de fabricación dixital que acollerá cousas como sesións
sobre robótica e impresión 3D, tanto para profesorado como para
nenos e nenas, asà como un obradoiro dirixido a idear elementos
smart para o ámbito urbano).
Xa
o venres 22, o Campus acubillará a reunión anual da comunidade
WordPress en Pontevedra (Meetup), que promoverá unha serie de
actividades formativas ligadas a esta plataforma tecnolóxica
destinada á creación, desenvolvemento e mantemento de páxinas web.
Entre as accións complementarias tamén se acha unha Xincana
Bike, o sábado 23, organizada coa colaboración do Club Ciclista
Poio; amais da presentación no espazo da feira da PonteVan,
unha food truck desenvolvida por catro centros formativos da
cidade coa colaboración da spin-off da Universidade Quantum
Innovative.