Peoople estrea función de notas de voz para calquera smartphone
mércores, 15 de xullo do 2020
Peoople,
a plataforma de recomendacións, vén de dar un paso de
xigante en materia de servizos para a súa comunidade. En concreto,
converteuse na primeira rede cuxa funcionalidade de notas de voz está
preparada para todos os usuarios que dispoñan de smartphone,
tanto iOS como Android. A través desta novidade de Peoople,
plataforma que acubilla máis de cinco millóns de persoas (dos cales
1.7000 son influencers recoñecidos, como por exemplo María e
Marta Pombo, Nuria Blanco, Selena Milán, Bjean, Sr Zeta, Jorge Cyrus
ou Blue Jeans), permitirase aos seus integrantes consultar e
compartir recomendacións de servizos e produtos de audios
personalizados.
“Apostamos
polo audio pola súa inmediatez e pola comodidade que pon en xogo
para o consumidor e para o creador do contido”, sinala o galego
David Pena, co-fundador e director executivo da plataforma Peoople,
poñendo o foco noutra das grades características do devandito
formato: a proximidade que se crea entre o usuario que demanda
recomendacións e o influencer ou amigo que as comparte.
A
funcionalidade habilitarase no mercado español e de xeito simultáneo
noutros países como Portugal (onde Peoople conta con referentes
dixitais como Kazzio, Liliana Filipa, Mr Jason Santos, Mr Keven
Santos ou Lauanda Rios); en Brasil (onde dáse servizo a influencers
como Lucas Santos, ViajandocomGabi, Yurigabe, Vazaonde ou Glauber
Barbosa); e no resto de Latinoamérica (onde se integran Caín
Gúzman, Alan Sandoval, Fabii Puffle, Nicolas Lorenzo ou David
Sánchez).
O galego David
Pena destaca que co novo servizo amplíase a marxe de interactividade
entre os membros da comunidade: “Cun máximo de cinco minutos, os
audios permiten aos usuarios explicar de maneira máis personalizada,
próxima e directa diferentes opinións sobre películas, series,
libros, beleza, restaurantes, aplicacións, entre outros”. Pena
tamén salienta que “o proceso de gravación é moi intuitivo,
permitindo interromper, borrar ou escoitar o ficheiro antes de ser
publicado”. Amais, o audio tamén pode ser borrado por completo
unha vez publicado.