Pecha XuvenCiencia con premios ás mellores achegas de ciencia, tecnoloxías e promoción do galego
venres, 7 de xullo do 2017
- As gañadoras dos Premios Aresa
Finalmente
chegou ao seu remate a
quinta edición do Campus de Verán Xuvenciencia, e fíxoo da
mellor maneira posíbel: con recoñecementos os estudantes
participantes polo seu espírito innovador e, tamén, polo seu
compromiso coa lingua galega (reivindicándoa en ámbitos científicos
e tecnolóxicos onde por desgraza cede terreo perante o inglés e o
castelán). A gala final celebrouse este venres no auditorio da
Facultade de Veterinaria do Campus Terra da USC coa entrega de
diplomas aos 135 mozos e mozas participantes, así como coa entrega
dos premios Aresa Junior e Proxéctate en Galego. Participaron
representantes do Campus de Lugo e máis e a coordinadora deste
campamento científico, Mercedes Novo. Xuvenciencia,
como lembraremos, veu da man da Universidade de Santiago (Campus de
Lugo) e contou co apoio de entidades como a Deputación e o Concello
de Lugo e máis a Fundación TIC.
Como
dixemos, a gala de clausura acolleu a entrega dos premios Aresa
Junior, o cal persegue promover o interese dos rapaces/as pola
ciencia e a tecnoloxía, así como premiar as habilidades creativas,
artísticas e de comunicación; e Proxéctate en Galego, o cal
procura promover o uso do galego como lingua de traballo e
comunicación e galardoar a capacidade de transmitir información “de
forma innovadora, creativa e axeitada desde o punto de vista
lingüístico”.
O
equipo Análise
das proteínas do leite,
integrado por Ana Marina González, Guillermo Huelin, Antonio López,
Noa Pena e Noemí Romero, foi gardoado co premio Aresa. Pola súa
parte, o equipo Análises
Clínicas. Que me pasa doutor?’
integrado por Carla Batlle, Elena Brezmes, María Guerra, Beatriz
Ordóñez e Rebeca Pena, gañou o premio Proxéctate en galego.
- As gañadoras dos Premios Proxéctate en galego
O xurado estivo integrado pola secretaria Académica, de Infraestruturas e Asuntos Económicos da Escola Politécnica, Montserrat Valcárcel Armesto; un representante da Fundación TIC, así como o director xeral de Aresa e o representante de Proxéctate en Galego, os cales analizaron todos os vídeos e contidos dixitais presentados polo alumnado e que versaron sobre os proxectos científico-técnicos nos que participaron durante toda a semana.