PassCOVID informa das novas medidas autonómicas para conter a pandemia
venres, 6 de novembro do 2020
A
aplicación móbil PassCOVID, impulsada polo Goberno galego para
achegar comunicación telemática á cidadanía de utilidade fronte a
xestión da pandemia, engadiu estes días información sobre as novas
medidas postas en marcha pola Xunta para conter a pandemia. A
ferramenta fai chegar aos dispositivos da cidadanía avisos,
recomendacións e alertas sobre estas novas disposicións.
As
persoas que descarguen PassCOVID poden optar por facelo como usuarios
identificados, empregando o sistema de claves concertadas Chave 365,
ou ben levalo a cabo de xeito anónimo. Asi, calquera usuario ten
acceso a información sobre a situación da pandemia en toda Galicia,
e pode seleccionar o concello do seu interese para estar ao tanto das
medidas que a Xunta está a adoptar.
PassCOVID
reforzou deste xeito o seu obxectivo de “dar información próxima
e de interese á cidadanía galega sobre a situación actual da crise
sanitaria na nosa Comunidade, e na liña de garantir información
próxima, de fontes oficiais, contrastada e de interese”, explicou
o Goberno galego, engadindo que a ferramenta ten utilidade para a
implementación dos diferentes protocolos de seguimento definidos
tanto pola autoridade sanitaria galega como outros departamentos da
Xunta con competencias na xestión da crise, tanto sanitaria como
social.
- Imaxes da versión para Android de PassCOVID