Paideia e os festivais galegos impulsan a creación dunha plataforma de concursos de maquetas
xoves, 16 de febreiro do 2017
A
Fundación Paideia, a través de Estudios Mans, vén de lanzar
sonidosmans.com, unha
plataforma web
destinada a impulsar e celebrar concursos de maquetas para, en última
instancia, dar a coñecer novos artistas perante público e axentes
contratadores. A web, de alcance español e portugués, levouse
a cabo en colaboración con importantes festivais de ámbito galego,
como son
Portamerica, SonRías
Baixas, SinSal Son Estrella
Galicia, Revenidas, Atlantic Fest e O Marisquiño. Os grupos e
artistas interesados en
participar nas roldas de votacións en liña
deben presentar os seus traballos a través da web,
desde o 15 de febreiro até o 28 de abril de 2017.
Segundo
informa Paideia, cada
participante terá que seleccionar o concurso de maquetas do festival
no que estean interesados en participar, tendo en conta os estilos
musicais definidos para cada un deles. Poderán
participar artistas con residencia tanto en España como en Portugal,
que presenten temas inéditos en letra e música e que non editen ou
distribúan con anterioridade ningún traballo.
O
sistema de votación para cada un dos concursos consta dunha primeira
fase que se realizará a través dun sistema de votación popular. O
dez seleccionados nesta primeira etapa, pasarán a unha segunda fase
na que un xurado profesional elixirá os gañadores (dous
por cada concurso de maquetas), que poderán formar parte do cartel
do festival no que resulten seleccionados, ademais de ter a
oportunidade de gravar un EP en Estudios
Mans.
Esta
plataforma, dirixida a grupos e artistas noveis, enmárcase dentro do
eixo de emprendemento
cultural de Fundación Paideia, que ten como finalidade “a
promoción da creatividade artística e a posta en valor do talento
de mozos emprendedores do sector musical”.