Outes convoca axudas para a adquisición de material informático entre o alumnado
martes, 22 de novembro do 2022
O Concello de Outes anunciou a convocatoria de
axudas para a adquisición de material informático entre a
cidadanía. Inclúense computadores portátiles, ordenadores de
sobremesa e máis impresoras.
Poderá solicitar estas axudas todo o alumnado que
durante o ano 2022 curse estudos de Educación Infantil, Educación
Primaria, Educación Secundaria Obrigatoria, Bacharelato, Formación
profesional e Universidade, e cumpra cos requisitos sinalados nas
bases reguladoras da convocatoria.
Non poderán solicitar estas axudas aqueles
alumnos que fosen beneficiarios das mesmas na convocatoria do
ano 2021.
O obxecto da convocatoria é a concesión de
axudas económicas aos estudantes que adquiran material informático
durante o ano 2022, coa finalidade de “facer efectivo o principio
de igualdade de oportunidades de todos os colectivos á hora de
acceder ás novas tecnoloxías favorecendo así a a escolarización
do alumnado nolos seus domicilios, dotando ás unidades familiares
das ferramentas informáticas necesarias”.
O importe a recibir será de até un máximo de
350 euros nas familias de até 6.000 euros de Renda Per Cápita
anual, e de 200 para aquelas que perciban entre 6.001 e 8.000.
Máis información na
páxina web do Concello.
