Os traballadores de Xornal de Galicia reivindican a supervivencia da súa edición dixital
martes, 27 de setembro do 2011
Esta mañá fronte
a redacción de Xornal de Galicia no polÃgono da Grela en A Coruña xuntáronse os
traballadores do medio para manifestar
o seu rexeitamento ante o peche da edición dixital, para o que a empresa
presentou un ERE de extinción que afecta aos 38 traballadores. Dende o Comité
de Empresa denuncian que a dirección incumpriu a promesa de potenciar o
dixital, como anunciara hai cousa de mes e medio cando pecharon a edición en
papel do diario, á vez que acusan que detrás desta decisión hai «intereses polÃticos» en vez de motivos económicos (destacando
que «a menos de dous meses das eleccións
xerais, Jacinto Rey enterra dúas cabeceiras históricas que contribuÃan ao
pluralismo informativo de Galicia», en referencia ao recente peche de
Anosaterra.org).
Dende o Comité de Empresa aseguran que Xornal.com é viable como medio dixital
(lembremos o seu funcionamento previo á edición impresa), e protestan ante o
feito de que a empresa non presentase en ningún momento un plan de viabilidade
sobre o futuro da edición dixital, pese a que os estudos de mercado presentados
no ERE admiten que o futuro do mercado xornalÃstico está ligado á Rede.
Os traballadores de Xornal de Galicia tamén queren destacar que Xornal.com foi
o primeiro diario dixital nacido en Galicia, estando entre os máis lidos na
Rede na nosa comunidade e cun promedio de 25.000 lectores/dÃa; de aà que
reclamen a súa supervivencia, considerando inxusto que queiran cargarlle a
Xornal.com o lastre dos custos da edición impresa de Xornal de Galicia.