Os móbiles Lumia estrean un novo editor de vídeo de balde

Microsoft estreou para dispositivos con Windows Phone 8.1 a aplicación de balde Video Turner, que é un sinxelo editor de vídeo que permite aplicar filtros, engadir música, axustar, recortar, xirar, voltear, reflexar, cambiar a velocidade, axustar a exposición, o contraste, a saturación de cor e o volume e, en definitiva, mellorar os vídeos que teñamos no móbil antes de compartilos co mundo a través da Internet.
Esta aplicación de balde é exclusiva para terminais Nokia Lumia, e de seguro que vai ser ben recibida polos usuarios que están afeitos a modificar as súas imaxes con aplicacións tipo Instagram, pois agora poderán levar este tipo de personalización estética ao vídeo, á vez que corrixen certos detallas das gravacións efectuadas co móbil.

Vídeo promocional da aplicación Video Turner