Os ecoloxistas galegos lanzan un blog colectivo para reivindicarmos o noso bosque: Cousa de RaÃces
luns, 7 de xullo do 2014
Co gallo do DÃa Mundial
da Conservación do Solo presentábase
hoxe no Parque dos Paxariños de Lugo a campaña Cousa de raÃces,
unha proposta de ADEGA e outros 45 colectivos ambientalistas,
culturais, empresariais, sindicais, comunitarios, educativos e
cientÃficos para reivindicar o bosque galego como protector do solo.
Emporiso, na rolda de prensa deixouse ver que Cousa de raÃces
nace coa vontade de defender o noso bosque galego ou autóctono
en todas as súas facetas: ambiental, cultural, produtiva, educativa
ou como factor xerador de emprego.
ADEGA informou que xa está a
disposición do público xeral o blogue da campaña Cousa
de RaÃces.
A vocación colectiva,
integral, diversa e colaborativa da campaña está chamada a acoller
a particulares e a todo tipo de colectivos que estean a realizar
accións divulgativas, formativas, educativas, reivindicativas,
produtivas, de custodia, etc., a prol do bosque autóctono. Todas
estas accións serán postas en coñecemento da sociedade a través
da devandita bitácora colectiva, dende o cal calquera persoa tamén
poderá manifestar o seu apoio á causa. Asà mesmo, servirá como
canle de comunicación entre os diferentes colectivos que participan
na campaña.
Para aquelas persoas e entidades da provincia que
queiran sumarse a esta iniciativa, abondará con visitar o blogue
Cousa de RaÃces ou enviar un correo a
cousaderaices@adega.info.
Engadir que esta iniciativa retoma unha
reivindicación histórica do movemento ecoloxista na defensa das
árbores propias, pero desta volta tenta congregar neste mesmo
obxectivo os esforzos de todos os sectores implicados na súa
preservación e promoción. De feito, a este acto acudiron varios
colectivos lugueses que traballan con esta finalidade como: o
Bandullo Ecolóxico, o Espazo Agroecolóxico A Estruga, FRUGA, A
Asociación Galega de Custodia do Territorio ou a Plataforma sarriá
polo rÃo.