Os dispositivos Nexus comezan a recibir a actualización a Lollipop

Despois de que Motorola se adiantase na carreira pola actualización de smartphones a Android 5.0, comezando a enviar Lollipop aos terminais Moto G e Moto X de segunda xeración, dende Google non quixeron queda atrás e anunciaron que comezaban a distribución da actualización para a súa familia Nexus.
Os usuarios que teñan un produto da gama Nexus, se non queren agardar a recibir a súa actualización de xeito automático, poden acudir á páxina web que permite a descarga e instalación manual de Android 5.0 para o seu dispositivo, que dende onte pode descargarse para os smartphones Nexus 5 e para as tabletas Nexus 7 (modelo con Wi-Fi dos anos 2012 e 2013) e Nexus 10, quedando polo momento en espera as versións das tabletas con banda larga móbil e o teléfono Nexus 4, que serían os seguintes en recibir esta atractiva actualización que supón unha auténtica revolución para Android, marcando as pautas deste sistema operativo móbil para os vindeiros anos.