Os cursos de informática do Grupo Femxa contarán coa certificación da Universidade Rey Juan Carlos
mércores, 1 de agosto do 2012
A consultora líder en formación Grupo
Femxa, con sucursais en Vigo e A Coruña, vén de asinar un convenio de
colaboración coa Universidade Rey Juan Carlos de Madrid (URJC), mediante o cal
a entidade académica certificará máis de 50 accións formativas impartidas pola
consultora.
O acordo fai posible que unha das universidades públicas máis importantes
de España avale o prestixio dos cursos impartidos polo Grupo Femxa nos sectores
da Informática, a Loxística, a Educación ou o Marketing, entre outros.
As accións formativas certificadas pola URJC achegan a maiores a obtención
de créditos ECTS (Espazo Europeo de Transferencia de Créditos) e da LRU (Lei de
Reforma Universitaria), dúas unidades de medida requiridas tanto para a
obtención dun título universitario como para a presentación a oposicións, entre
outras esixencias propias do mercado actual.
Asemade, Femxa lembra que as empresas cuxos traballadores realicen algún
curso relacionado con estas materias tamén poderán acollerse á bonificación dos
mesmos na súa cotización á Seguridade Social, polo que a formación “poderá ser bonificable en función do
crédito dispoñible e do tamaño da empresa”, engaden.
En definitiva, Grupo
Femxa e a Universidade
Rey Juan Carlos unen forzas para ofrecer unha completa oferta
formativa, que lle outorgue ao alumnado unha excelente especialización no
sector que escollan para formarse da man da consultora líder en formación.