Os candidatos á presidencia do Goberno debaterán en Second Life

A pasada noite os avatares de José Luis Rodríguez Zapatero, Gaspar Llamazares e Mariano Rajoy atopáronse en Second Life, onde ultimaron detalles sobre o vindeiro debate electoral que celebrarán os 3 candidatos no mundo virtual. Os políticos coincidiron na necesidade do debate en Second Life para atender ó dereito cidadán de dispor da maior e mellor información para conformar a súa opción de voto.
A data do debate virtual non se concretou, aínda que o máis probable é que se celebre antes do inicio oficial da campaña electoral, polo que a data elixida finalmente podería ser entre o 16 e o 20 de febreiro.