Orange leva a súa fibra óptica até os 500 Mbps simétricos
luns, 28 de novembro do 2016
Nos últimos meses desenvolveuse unha carreira por levar a
fibra óptica aos fogares españois creando unha situación de competencia que
normalizou as conexións simétricas no ámbito doméstico, situando o teito nos
300 Mbps, que Orange vén de rachar, anunciando
hoxe o produto converxente Love Familia Total, que achega unha conexión
simétrica por fibra óptica de 500 Mbps e un superbono de datos móbiles 4G+ de
24 GB (para compartir entre as distintas liñas do fogar), converténdose nunha
oferta moi completa.
Love Familia Total ten un prezo de 129,95 euros/mes, e inclúe 3 liñas móbiles
con chamadas ilimitadas e roaming na
Unión Europea sen custo adicional, compatibles co servizo MultiSIM para poder
aproveitar as condicións de chamadas e datos con até 4 dispositivos adicionais.
Tamén será posible incorporar máis liñas con chamadas ilimitadas ao paquete por
18,95 euros/mes.
Esta nova oferta converxente de Orange inclúe unha ampla oferta de contidos
televisivos, como o mellor fútbol (1ª e 2ª división da Liga, Copa do Rei,
Champions e Europa League), canles temáticas, contidos á carta e a posibilidade
de poder gozar desta oferta audiovisual en dispositivos móbiles dentro e fóra
do fogar.
De xeito promocional, quen contrate agora Love Familia Total terán 3 meses de
balde de Netflix en alta definición para até 2 dispositivos simultáneos
(servizo que ten un prezo fóra de promoción de 9,99 euros/mes).