Opera Mini 5.1 estrea versión final para Android
mércores, 14 de xullo do 2010
Tras varios
meses en probas, o Opera Mini 5.1 estrea versión final
para Android, de xeito que os usuarios de terminais co sistema operativo
promovido por Google poden instalar este navegador web reducido que xa conta
con máis de 61 millóns de usuarios en todo o mundo e que facilita a lectura de
páxinas web en pantallas de tamaño reducido á vez que reducen o volume de
transferencia de datos dende o móbil mediante a compresión previa das páxinas
web (o que supón unha dobre vantaxe ao acelerar as descargas e reducir a
facturación por tal concepto).
AÃnda que haxa usuarios que opten por utilizar o Opera Mini coma navegador
principal, resulta máis práctico como solución alternativa nos momentos nos que
non gocemos dunha conexión á Rede rápida ou non teñamos unha tarifa plana de
datos.
Coa achega de Opera Mini a Android temos normalmente unha maior resolución de
pantalla, o que a aplicación aproveita para unha mellor interface de uso, que conta
con pestanas, marcación rápida, xestor de descargas e sincronización de
favoritos entre o móbil e o escritorio.
VÃdeo de presentación do Opera Mini para Android
