O xornalismo dixital galego, polo miúdo este martes no Consello da Cultura
luns, 7 de novembro do 2016
Este
martes 8 o Consello da Cultura Galega colle unha sesión de traballo
colectivo sobre o potencial que achegan as TIC para o noso xornalismo
cultural e, tamén, sobre os froitos que se están a dar arredor
desta confluencia tecnoloxías-comunicación. A
xornada Panorama de
iniciativas culturais galegas na Rede tamén
se encamiña, en palabras da organización, “a ofrecer unha visión
actual destas iniciativas culturais na Rede, a coñecer os mecanismos
que empregan para o seu funcionamento e a contextualizala no ámbito
internacional”. Falarán representantes de Praza Pública, Galicia
Confidencial, Sermos Galiza, Campo Galego, Teo Vivo, Que pasa na
costa, Palabra Comum, A sega ou Gz Música.
A
xornada comezará ás 09:45 horas cunha intervención de Joao
Canavilhas, da Universidade da Beira Interior, quen tratará o
Ecosistema
mediático: a cultura na sociedade líquida
e Hakan Casares, que tecerá o mapa dalgunhas iniciativas culurais
galegas na rede.
A
continuación, e logo das panorámicas internacionais e galega,
serán os responsábeis
das iniciativas quen acheguen as súas experiencias. Así, estarán
presentes David
Lombao (Praza Pública), Xurxo Salgado (Galicia Confidencial), Rocío
Castro (Sermos Galiza), David González (Campo galego), Ana Conde
(Teovivo), Ubaldo Cerqueiro (Que pasa na costa), Alfredo Ferreiro
(Palavra Comum), Lara Rozados (A sega) e Daniel Lavesedo (GZ Música).
Nas
últimas dúas sesións da tarde, Alberto Marinelli (Universitario da
Sapienza de Roma) e Andreu Casero Ripollés, da Universitat Jaume I
de Castellón falarán de televisión e cultura nos tempos de
Internet, do “quinto poder na Rede”
e
de
“novas estratexias e novos territorios na era 2.0”.
A xornada será
retransmitida en directo a través do web consellodaculturagalega.gal
e as mesas de traballo ficarán
gravadas na mediateca
da institución a disposición dos usuarios.