O torneo autonómico de League of Legends pasa por Vilalba e VilagarcÃa
luns, 21 de outubro do 2019
Os Espazos Xoves de Vilalba e VilagarcÃa acolleron os pasados
venres e sábado cadansúa semifinal dentro do torneo
autonómico do videoxogo League of Legends (LoL). O
sábado a directora xeral de Xuventude, Participación e Voluntariado, Cristina
Pichel, acudiu
á celebración desta fase do campionato na que participan catro equipos
formados por cinco persoas cada un. A Xunta de Galicia procura con esta
iniciativa promover o coñecemento, a formación e o ocio ao redor dos videoxogos.
Este proxecto pioneiro en Galicia, que está destinado a mozas e mozos de entre
18 e 30 anos, estase celebrando 12 Espazos Xoves xestionados pola
Administración autonómica, co fin de favorecer a participación da xuventude da
zona e da contorna próxima. Este será o cuarto Espazo Xove que acolle unha
destas fases.
Deste torneo clasificaranse para a final dous dos catro equipos participantes.
Cada equipo está conformado por cinco mozos, dos cales unha persoa actúa como
capitán. Cómpre indicar que antes do inicio de cada unha das competicións
organizarase unha dinámica formativa centrada no coñecemento e uso responsable
dos videoxogos.
Tras esta fase inicial nos diferentes Espazos Xove, os 16 equipos clasificados
participarán nunha fase final, cuxa data e lugar de celebración será
determinado pola Dirección Xeral de Xuventude, Participación e Voluntariado. En
todo caso, esta última fase terá lugar en fin de semana e os gastos de
manutención e aloxamento correrán a cargo da Xunta de Galicia.