O servizo activado pola Deputación de Lugo para medir as nosas saídas acada 11.000 visitas
luns, 4 de maio do 2020
A
ferramenta Mide a
túa saída, achegada pola
Deputación de Lugo para facilitar as dúbidas da cidadanía
en materia de desprazamentos en desescalada, está a acadar un
importante éxito de repercusión e participación. Segundo
fixo saber a entidade provincial, a web da aplicación obtivo nos
primeiros días desta nova fase do Estado de Alarma (dende a ponte do
primeiro de maio) preto de 11.000 visitas.
Máis
de 4.000 visitas foron realizadas dende a provincia de Lugo, outros
lugares que amosaron gran interese pola aplicación foron Madrid
(1.995 visitas), A Coruña (734 visitas), Valladolid (446 visitas),
Santiago de Compostela (356 visitas), Vigo, Barcelona(198 visitas),
Burgos e Palencia).
A
ferramenta, en palabras da entidade provincial “moi doada de usar”,
permite ás veciñas e veciños pescudar cal é o límite exacto até
o que poden chegar dende os seus domicilios ao tempo que cumpren coas
normas fixadas polas autoridades para saír cos nenos, dar paseos ou
desprazarse a hortas de autoconsumo. Trátase dunha aplicación de
balde e empregábel en todos os dispositivos electrónicos, aínda
que se recomenda o seu uso en móbiles ou tabletas para “consultar
en tempo real se estamos próximos ao límite do noso itinerario”.
A ferramenta ten
web de seu ao abeiro da páxina da Deputación de Lugo.
O
funcionamento deste servizo é simple e comeza cando o usuario activa
a funcionalidade de localización GPS no dispositivo ao tempo que lle
dá permiso á propia ferramenta para acceder a esta información.
Mide a túa saída é quen de calcular o perímetro, quedando
rexistrada a posición inicial do usuario como punto de referencia,
que debe ser o lugar no que se reside. A partir de aí, amosa un mapa
que sinala cunha cor vermella o radio de quilómetros que sexa
posíbel abranguer, en función da actividade que se desexe
desenvolver e do treito de desescalada vixente.