O segundo programa FEDER-Innterconecta acubilla 119 proxectos galegos presentados
martes, 9 de abril do 2013
O
segundo programa FEDER-Innterconecta, do que falamos con motivo da
súas diversas presentacións (os días 18
e 12
en Vigo), segue a xerar información de interese para as empresas
galegas, sobre todo polo que teñen de oportunidade para materializar
os seus proxectos de innovación. Na liña de facer fincapé nas súas
posibilidades situouse, precisamente, o conselleiro de Economía,
Francisco Conde, quen
sinalou hoxe que o programa abrangue xa un total de 524
empresas,
o 70% delas
PEME,
formando
parte dos proxectos de innovación que optan á segunda fase do
programa, cuxo prazo de solicitude vén de rematar cun total de 119
propostas presentadas “o
que amosa a alta participación e o interese das empresas en Galicia
por optar a fondos tecnolóxicos”,
salientou.
O
conselleiro destacou ademais o incremento de case un 30% no número
de proxectos presentados con respecto á pasada edición.
Nas
iniciativas
que se presentan á convocatoria, impulsada pola Xunta a través da
Axencia Galega de Innovación en colaboración co Centro para el
Desenvolvemento
Tecnolóxico
Industrial (CDTI), inclúense 297 participacións de organismos de
investigación, segundo os datos provisionais analizados polo CDTI. A
porcentaxe de participación destes organismos con respecto ao
orzamento
total dos proxectos presentados elévase ao 19%, preto de catro
puntos por riba da porcentaxe establecida como obrigatoria nas bases
do programa, co-financiado
co Fondo Tecnolóxico.
Lembrar
que esta
segunda edición do Innterconecta Galicia está dotada con 75 millóns
de euros, “cos
que se prevé a mobilización en iniciativas de alto impacto para a
comunidade dun total de 150 millóns entre investimento público e
privado”,
sinalou Conde.