O reprodutor Miro estrea a súa versión 1.0
mércores, 14 de novembro do 2007
- Miro reproducindo un fragmento dun programa da canle G4
O reprodutor de vÃdeo coñecido actualmente coma Miro (antes, Democracy Player) estreou a
súa versión 1.0 o que supón a consolidación dunha aplicación que vai máis
aló de servir para reproducir vÃdeos en formatos Quicktime, WMV, MPEG, AVI,
XviD (está baseado no motor VLC) e outros, senón que tamén xestiona a súa
descarga dende fluxos RSS, os organiza e mesmo permite a súa eliminación automática
despois da súa visualización. Tamén serve para descargar contidos de YouTube,
Blip.tv e DailyMotion.
Pero o máis interesante deste reprodutor é que se está a converter na plataforma
de acceso a unhas 2.700 canles de vÃdeo de balde, que van dende podcasts ata
informativos televisivos, achegando un consumo á carta destes contidos que pode
descargar tanto da web como da rede P2P BitTorrent. Os usuarios poden
subscribirse ás distintas canles e mesmo facer que os seus contidos se
descarguen automaticamente, lembrando no seu funcionamento a solucións DVR coma
TiVo ou iPlus, aÃnda que neste caso se trate dun produto para ordenador e de
balde.