O presidente do CPEIG informa este xoves de métodos útiles para facer máis seguras as navegacións dos nosos fillos
mércores, 24 de abril do 2013
O presidente do Colexio
Profesional de EnxeñarÃa en Informática de Galicia (CPEIG),
Fernando Suárez Lorenzo, dará unha charla mañá xoves sobre o
potencial de risco (debido sobre todo a un mal uso e/ou a unha mala
supervisión) das ferramentas tecnolóxicas entre as novas xeracións.
Sobre todo no que se refire a cuestións como o ciberacoso ou
as adiccións dixitais, entre outras prácticas. O relatorio, que se
desenvolve baixo o tÃtulo de Redes sociais, necesidade de
educación nunha nova contorna, celébrase a partir das sete da tarde na sede do local sociocultural do
Casco Vello, en Santiago de Compostela (rúa de Santa Cristina número
22). A Asociación Cultural San Martiño Pinario organiza a charla,
dirixida sobre todo a nais e pais preocupados polo uso que os seus
fillos e fillas realizan das redes sociais.
Lembrar que o CPEIG non é
unha entidade acabada de chegar ao ámbito da normalización dun
emprego axeitado das novas ferramentas tecnolóxicas. De feito, ten
no seu haber o deseño, en colaboración coa Xunta, do programa
Navega con Rumbo polo Ciberespazo, que xa vai pola cuarta edición.
Ao seu abeiro, especialistas do colexio achéganse a centros
educativos de toda Galicia para impartir charlas divulgativas de unha
hora de duración nas que lles ensinan aos escolares a navegar por
Internet dun xeito útil e responsable, coa implicación tamén do
profesorado. Ademais, as sesión divulgativas están apoiadas por
GuÃas de Boas Prácticas dirixidas tanto ao alumnado coma ás
familias e profesorado, que se poden descargar en formato
electrónico, e de balde, da web navegaconrumbo.es,
onde tamén hai xogos e ligazóns dispoñibles sobre a temática do
programa.