O parque das Rozas esperta o interese de varias multinacionais
martes, 21 de xullo do 2015
Esta
semana botaba a camiñar a primeira das
xornadas de Civil UAVs Initiative, unha proposta que pretende
crear un polo tecnolóxico industrial arredor dos sistemas aéreos
non tripulados (drons) e
na cal están a participar máis de 300 representantes de
multinacionais como: Airbus, Boeing, AgustaWestland, Elbit
Systems, Acciona, Everis e Indra. Estamos perante unha iniciativa
empresarial da Xunta que suporá un investimento total duns 55
millóns de euros até 2020 no polo tecnolóxico das Rozas (Castro de Rei, Lugo).
As
ditas xornadas tentan tecer alianzas para a presentación de ofertas
conxuntas, polas que xa amosaron interese empresas como INAER ou
Airbus Defence and
Space.
Cómpre
dicir que ao acto de inauguración asistiu o presidente
da Xunta, Alberto Núñez Feijóo, quen sinalou que o proxecto
"implica confirmar un cambio importante, que o xiro económico
xa é incuestionábel" e o director do Instituto Nacional de
Técnica Aeroespacial (INTA), Ignacio Azqueta, quen asegurou que o
instituto ao que representa irá "da man" coa Xunta e o
Executivo central nesta iniciativa, xa que a presenza dos UAV no eido
civil repercutirá "na mellora dos servizos públicos"
colocando a España á cabeza do sector. Outra das participantes na
xornada foi a secretaria xeral de Ciencia, TecnoloxÃa e Innovación
do Ministerio de EconomÃa e Innovación, MarÃa LuÃsa Poncela, quen
salientou a "visión" da Xunta ao envorcarse no sector,
centrándose "nun mercado emerxente" querendo ser os
primeiros en estar no desenvolvemento dese mercado".