O noso sector TIC amosará á industria téxtil o seu potencial no Centro Demostrador de Santiago
martes, 26 de febreiro do 2013
Dentro da iniciativa Semanas TIC Sectoriais que está
a promover a Axencia para a Modernización Tecnolóxica de Galicia
(AMTEGA) a través do seu Centro Demostrador TIC insÃrense unhas
primeiras xeiras de traballo, a desenvolver na recta final de
marzo, que con toda seguridade terán prolongación noutras semanas
xirando arredor de outras áreas produtivas. Estas primeiras xeiras
tratarán sobre o sector téxtil, facéndose fincapé no potencial
que as nosas empresas tecnolóxico-dixitais poñen e poden pór ao
seu servizo. Máis polo miúdo, o que se quere é achegar un punto de
encontro entre as firmas TIC e as do téxtil. Esta fórmula é
aplicábel a tódolos demais sectores e semanas. A cita da que
estamos a falar está prevista para os vindeiros 20, 21 e 22 de
marzo.
Nesta I Semana TIC sectorial adicada ao sector
téxtil de Galicia buscaranse novas fórmulas e metodoloxÃas
para achegar a nosa oferta tecnolóxica ás áreas produtivas galegas
do ámbito da moda, poñéndolles á súa disposición unha escolma
de provedores e solucións de especial utilidade. Asemade,
afrontaranse en común os retos de futuro pendentes na aplicación
das novas tecnoloxÃas no ámbito da industria téxtil galega. Para
participarmos activamente neste evento, é preciso que nos
rexistremos no MapaTIC.gal
e logo achegar os nosos datos (información de empresa e solucións
tecnolóxicas de interese para a vindeira Semana Sectorial) antes de
que remate este martes 26 de febreiro. A partir dos datos inseridos
no MapaTIC.gal, elaborarase o Catálogo de Provedores e Solucións
Tecnolóxicas para o Téxtil, que será presentado o vindeiro 20
de marzo.